يا رئيسنا يا سابق يا حكيم وناضج
ومحدش غير جنباك طلع طيار
يا فاتح حساب في كل البنوك
وماصص دم شعبك بالجنيه والدولار
يا عايش في شرم
وواكل بخيرها شوكولا سويسري وبتضرب كفيار
والست المدام عليها السلام
تسافر وترجع بطيارة خاصة وتحت أمر جنابها المطار
وسعادتك تأمر وتنهي وتشخط وتنطر
ومفكرها عزبة ومن غير وجودك هتصبح دمار
أوعاك تفكر إنك هتفلت
وهننسى ونسكت وترجع أيام الكوسة والخيار
دا ياما صبرنا وحقنا وكتمنا
وغلبنا كلام لحد ما وصلت لدرجة الانتحار
وعصابا وشلة مطبلاتي وقله
وحزب وأمانة وسياسة كانت على الحكومة عار
ديمقراطي ووطني وعصري وحديث
وبايع أراضي وناهب بلادي وأهوه استثمار
دعاوي كتير من المظلومين في دنيا ودين
ومش هامك عقاب وآخرة ونار
وبطانا فاسده على الشعب كاتمه
سماسره وعملا ورجال فساد في البلد تجار
ووزرا باعداديه ودبلوم صنايع سابوا الشعب ضايع
باللقمة عايش وفي غموسه حار
علاء وجمال وراسخ والجمال نسايب العيال
يبيعوا ويشتروا ودايما في شرم على كل بار
وحسين وسالم ومحمد وابراهيم وبطرس ووالي باعوا كل غالي
وقبضوا التمن عالي وهربوا وفاتوك خلف البحار
وعز ومفيد وسرور والشريف والعادلي ونظيف ما سابوا الرغيف
نخروا في عضم الغلابا وخلوا حالنا انحدار
وعملا وخونه وجواسيس وسفرا في أرضنا
على عرض مصر وشرفها كله بيلعب قمار
ياه ده كلوا فساد كان الشعب عايش عيشة هباب
ولا حد فيكوا داري إيدكوا في ميه وإيدوا في نار
سكنتوا القصور وسكنا القبور
كماليات جنابكم اتاوه وضرورياتنا ولعه نار
سلع معاليكم من برا مغلفة ومفتخرا
وضريبة مبيعات علينا ترفع الأسعار
ياه عليك كدا هنا ورقمنا كبير وغمة
أديك وصلتنا من انهيار لانفجار
من ساعة أحداث يناير الواحد مصدوم وحاير
ما سمعنا ألف ولا مليون لأ كلوا بالمليار
قصص لها العجب وشعب مل وتعب
والأسرة الكريمة مازالت في حالة افتخار
كنت لنا قائد ورمز ورئيس لحد ما جه مشروع التوريث
وقلت أنا وابني والكل بعدي غار
غربت شعبك جوه هجرت شعبك بره
واتحكم فينا أصحاب الريال والدينار
آسف ياريس قصدي ياللي كنت ريس
آسف إنك رفعت عن نفسك الوقار
المحاكمة جاية وهتشيل القضية وهتلبس الجلابية
والشلة بحالها جاية مهو هي مش تكية
ونشوف شعرك أبيض وترجع بلدنا عمار × عمار
ومحدش غير جنباك طلع طيار
يا فاتح حساب في كل البنوك
وماصص دم شعبك بالجنيه والدولار
يا عايش في شرم
وواكل بخيرها شوكولا سويسري وبتضرب كفيار
والست المدام عليها السلام
تسافر وترجع بطيارة خاصة وتحت أمر جنابها المطار
وسعادتك تأمر وتنهي وتشخط وتنطر
ومفكرها عزبة ومن غير وجودك هتصبح دمار
أوعاك تفكر إنك هتفلت
وهننسى ونسكت وترجع أيام الكوسة والخيار
دا ياما صبرنا وحقنا وكتمنا
وغلبنا كلام لحد ما وصلت لدرجة الانتحار
وعصابا وشلة مطبلاتي وقله
وحزب وأمانة وسياسة كانت على الحكومة عار
ديمقراطي ووطني وعصري وحديث
وبايع أراضي وناهب بلادي وأهوه استثمار
دعاوي كتير من المظلومين في دنيا ودين
ومش هامك عقاب وآخرة ونار
وبطانا فاسده على الشعب كاتمه
سماسره وعملا ورجال فساد في البلد تجار
ووزرا باعداديه ودبلوم صنايع سابوا الشعب ضايع
باللقمة عايش وفي غموسه حار
علاء وجمال وراسخ والجمال نسايب العيال
يبيعوا ويشتروا ودايما في شرم على كل بار
وحسين وسالم ومحمد وابراهيم وبطرس ووالي باعوا كل غالي
وقبضوا التمن عالي وهربوا وفاتوك خلف البحار
وعز ومفيد وسرور والشريف والعادلي ونظيف ما سابوا الرغيف
نخروا في عضم الغلابا وخلوا حالنا انحدار
وعملا وخونه وجواسيس وسفرا في أرضنا
على عرض مصر وشرفها كله بيلعب قمار
ياه ده كلوا فساد كان الشعب عايش عيشة هباب
ولا حد فيكوا داري إيدكوا في ميه وإيدوا في نار
سكنتوا القصور وسكنا القبور
كماليات جنابكم اتاوه وضرورياتنا ولعه نار
سلع معاليكم من برا مغلفة ومفتخرا
وضريبة مبيعات علينا ترفع الأسعار
ياه عليك كدا هنا ورقمنا كبير وغمة
أديك وصلتنا من انهيار لانفجار
من ساعة أحداث يناير الواحد مصدوم وحاير
ما سمعنا ألف ولا مليون لأ كلوا بالمليار
قصص لها العجب وشعب مل وتعب
والأسرة الكريمة مازالت في حالة افتخار
كنت لنا قائد ورمز ورئيس لحد ما جه مشروع التوريث
وقلت أنا وابني والكل بعدي غار
غربت شعبك جوه هجرت شعبك بره
واتحكم فينا أصحاب الريال والدينار
آسف ياريس قصدي ياللي كنت ريس
آسف إنك رفعت عن نفسك الوقار
المحاكمة جاية وهتشيل القضية وهتلبس الجلابية
والشلة بحالها جاية مهو هي مش تكية
ونشوف شعرك أبيض وترجع بلدنا عمار × عمار
